Wednesday, June 17, 2009

போன மாசம் பார்த்த மொக்கைகள்



என்னுடைய சகதர்மிணி தமிழ் திரையில் வரும் படங்கள் எல்லாவற்றையும் பார்த்து விடுவார்கள். சுட்டது, சுடாதது, தேய்ந்தது, காய்ந்தது எதவும் விதி விலக்கு இல்லை. அத்தோடு நில்லாமல் என்னையும் அவ்வப்போது சில படங்களைப் பார்க்க வைத்து விடுவார்கள். இப்படித்தான் போன மாதம் பார்த்த படங்களில் இரண்டைப் பற்றிப் பதிய வேண்டியுள்ளது.
முதலில் பார்த்தது கமலின் தசாவதாரம். ( பேரக் கேட்டா சும்மா அதிருதில்ல ?) . பத்து வேஷத்தில் கமல் தானும் கஷ்டப் பட்டு, பார்ப்பவர்களையும் 'என்ன கொடும சார் இது ' என்று கேட்க வைத்துள்ளார். ஆமாம், உணமைலேயே என்ன ஆயிற்று கமலுக்கு? வழக்கமாக இங்கிலிஷ் படங்களை உல்டா பண்ணிக் கொண்டு, இது வரைக்கும் நல்லாதான போயிக்கிட்டு இருந்தாரு... இப்ப ஏன் இப்படி இந்த கொல வெறி? சிவாஜி நவராத்திரியில ஒன்பது வேஷம் போட்டா, நாங்களும் பத்து வேஷம் போடுவோம்ல ? உலக நாயகன் , ஆஸ்கார் நாயகன், அப்படீன்னு சொல்லி சொல்லி உசுப்பேத்தியே இவரை இப்படி பஞ்சர் ஆக்கியிருக்கிறார்கள். இனிமேல் உலக்கை நாயகன், சாரி, உலக நாயகன், கே.எஸ். ரவிக்குமார் போன்றவர்களிடம் இருந்து ஒரு ஐம்பது மைல் தள்ளி இருக்க வேண்டும். இல்லாவிட்டால் டைரக்டர் பேரரசு போன்றவர்களிடம் சான்ஸ் கேட்க வேண்டிய நிலை வரும்.

தசாவதாரம் பார்த்ததில் வந்த காய்ச்சல் சரியானவுடன் நான் சற்று ஜாக்கிரதையாக இருந்திருக்க வேண்டும். ஆனால் கெட்ட நேரம் என்று இருக்கிறது பாருங்கள், அது தன் பவரைக் காட்டி விட்டது. ஒரு நாள், விஜயகாந்த் நடித்த 'மரியாதை' படத்தைப் பார்க்கும் நிலைமை வந்து விட்டது. சில வருடங்களாகவே 'கேப்டன்' தமிழக மக்களை உண்டு இல்லை என்று பண்ணிக் கொண்டு வருகிறார். ' கஜேந்திரா , வல்லரசு, தருமபுரி ' என்று, ' எவ்ளோ அடிச்சாலும் தாங்கறாங்க, இவங்க ரொம்ப நல்லவங்க ' அப்படி என்று பிய்த்து உதறுகிறார். எல்லாவற்றுக்கும் உச்சக் கட்டமாக ' மரியாதை '. ஒரே சிட்டிங்கில் பத்து மணி நேரம் மெகா சீரியல் பார்க்க முடியுமா? அதை விட அதிகம் தம் கட்டினால்தான் இந்தப் படத்தைப் பார்க்க முடியும். கேப்டன் சாப்பாட்டுக்குத் தொட்டுக் கொள்ள சாப்பாட்டைத்தான் பயன்படுத்துவார் போலிருக்கிறது. தாடைக்குக் கீழே மினி சைஸ் தொப்பை. வயிற்றுக்கு மேலேயும் கீழேயும் தலா ஒரு தொப்பை. நல்ல வேளை இதில் அவர் பட்டதாரி! காலேஜ் ஸ்டூடண்டா வந்தாலும் தமிழர் இதயம் இதையும் தாங்கும். இவர் சைசுக்குப் பொருத்தமா மீரா ஜாஸ்மின். இவர்கள் இருவரும் பொன்னிறக் கூந்தல் அழகிகள் பின்னணியில் ஆஸ்திரேலியாவில் அதிர்ந்து ஆடுகிறார்கள். பார்ப்பவர்களும் அதிர்கிறார்கள். இதற்கான பாடல் ' இன்பமே.. உந்தன் பேர் பெண்மையோ ' என்ற பாடலின் ரீ-மிக்ஸ். அந்தக் காலத்தில் தார் பூசி இந்தியை அழித்தப் பாவம், உதித் நாராயணனை வடக்கிலிருந்து இங்கு அனுப்பி, தமிழைக் கொல்லுகிறார்கள்.
மொத்தத்தில் எல்லோரும் சேர்ந்து, நல்லா.. பேதியை, ஐ மீன், பீதியைக் கிளப்புகிறார்கள். என்ன கொடும சார் இது! மறுபடியும் உடம்பு சரியில்லாமல் போய் என் குலசாமி டீ. ஆருக்கு. முடி கொடுக்கிறதாக வேண்டிக் கொண்டிருக்கிறேன்.
இந்திய ராணுவத்திற்கு ஒரு நல்ல யோசனை. டைரக்டர் பேரரசு படங்கள், தனுஷ், சிம்பு, விஜயகாந்த் படங்கள், தசாவதாரம், குசேலன், போன்ற படங்களின் டீவீடீ க்களை ஆயிரக்கணக்கில் பாகிஸ்தான் எல்லை, காஸ்மீர் எல்லை, பங்களாதேஷ் எல்லை, இங்க்கெல்லாம் கார்பெட் பாம் மாதிரி போட்டு விட வேண்டும். இதை எடுத்துப் பார்ப்பவர்கள் சும்மா கைப்புள்ள கணக்காக இந்தப் பக்கமே தலை வைத்துப் படுக்க மாட்டார்கள்.

2 comments:

Anonymous said...

Hi Baskar,
I greatly enjoyed your post. I had a heartly laugh and it is totally true how bad the movies are nowadays. We mean to watch them to get away from our daily stress, but recent movies does very little to provide quality entertainment. It is very nice to read your blog in Tamil. It is one of the very few articles that I read in tamil(that is an excuse for not reading as there are a lot of material in internet nowadays). Anyway all the best to keep going.

Arasu said...

Dear Baskar:

Your postings are hilarious. Where are you living now? If you are in United States now, try to come to FeTNA annual convention to be held at Connecticut during July 4th week end. I am sure you would have read about FeTNA in its web site (Fetna.org) or through Pazhamai pEsi's blog.

Arasu (arasu_chellaiah@hotmail.com)

Post a Comment